அரச அதிகாரிகளின் அலுவலகம் தீக்கிரை

(எம்.என்.எம்.ஹிஜாஸ்)

புத்தளம் பிரதேச செயலாளர் பிரிவுக்குட்பட்ட மணல் தீவில் கிராம சேவகர், சமுர்த்தி அதிகாரி மற்றும் விவசாய ஆராய்ச்சி உத்தியோகத்தர் ஆகியோர் கடமையாற்றும் கட்டிடத்திற்கு நேற்று சனிக்கிழமை இரவு 11 மணியளவில் தீ வைக்கப்பட்டுள்ளது.

இதனால் கட்டிடத்திற்குள் காணப்பட்ட தளபாடங்கள் மற்றும் முக்கயத்துவமிக்க ஆவணங்களும் தீயினால் எரிந்து நாசமாகியுள்ளன.

இதனால் சுமார் ஒரு இலட்சத்துக்கும் மேற்பட்ட நஷ்டம் ஏற்பட்டுள்ளதாக பொலிஸார் தெரிவித்தனர். புத்தளம் பொலிஸார் இது தொடர்பான மேலதிக விசாரணைகளினை மேற்கொண்டு வருகின்றனர்.