பாலியல் துஷ்பிரயோக குற்றச்சாட்டில் நவ்கத்தேகம பிரதேச செயலாளர் கைது

பெண் ஒருவரை பாலியல் துஷ்பிரயோகத்திற்கு உட்படுத்த முயற்சித்த குற்றச்சாட்டில்  கைதுசெய்யப்பட்ட நவ்கத்தேகம பிரதேச செயலாளர் எதிர்வரும் 26ஆம் திகதிவரை விளக்கமறியலில் வைக்கப்பட்டுள்ளார்.

பாதிக்கப்பட்டதாக தெரிவிக்கப்படும் மொல்வெவ பகுதியைச் சேர்ந்த 3 பிள்ளைகளின் தாயான மேற்படி பெண் செய்த முறைப்பாட்டை அடுத்து நவ்கத்தேகம பிரதேச செயலாளர் கைதுசெய்யப்பட்டார்.

நவ்கத்தேகம பிரதேச செயலாளர் இச்சம்பவத்தின்போது அரசாங்க வாகனத்தை பயன்படுத்தியதாக விசாரணையின் மூலம் தெரியவந்துள்ள நிலையில் அவர் தடுத்துவைக்கப்பட்டுள்ளார்.

சந்தேக நபர் தன்னை பிணையில் விடுதலை செய்யுமாறு கோரியபோதிலும், இதற்கு பதில் நீதவான் நட்வி மறுப்புத் தெரிவித்துள்ளார்.  இந்த சம்பவம் தொடர்பில் பொலிஸார் மேலதிக விசாரணையை மேற்கொண்டு வருகின்றனர். (ஹிரான் பிரியங்கர ஜயசிங்க)