மதுபோதையில் குளத்தில் நீராடிய குடும்பஸ்தர் மரணம்

(ஆகில் அஹமட்)

அநுராதபுரம் பொலிஸ் பிரிவுக்குட்பட்ட குடா கலத்தாவ குளத்தில் குளித்துக்கொண்டிருந்தபோது  இளம் குடும்பஸ்தர் ஒருவர் நீரில் மூழ்கி மரணமடைந்துள்ளதாக அநுராதபுரம் பொலிஸார் தெரிவித்தனர். இந்த சம்பவம் நேற்று செவ்வாய்க்கிழமை இடம்பெற்றது.

இரு பிள்ளைகளின் தந்தையான டி.ஜே.விஜேசூரிய (வயது 32) என்பவரே இவ்வாறு மரணமடைந்தவர் ஆவார். இவர் மதுபோதையில் காணப்பட்டதாகவும் பொலிஸார் கூறினர்.  

இளைஞர்கள் சிலருடன் குளிக்கச்சென்ற இவர், நீரில் மூழ்கியதைத் தொடர்ந்து இவரது சடலத்தை தேடிக் கண்டுபிடிக்க அவர்களால் முடியாது போனது. இதன் பின்னர்  பொலிஸாரின் உதவியுடன் சடலம் மீட்கப்பட்டதாகவும் அநுராதபுரம் பொலிஸார் தெரிவித்தனர்.