கடுபிட்டி ஓயாவின் அணை உடைப்பெடுக்கும் அபாயம்

ஹிரான் பிரியங்கர

மஹாவெவ பிரதேச செயலாளர்  பிரிவுக்குட்பட்ட,   குடாவெவ- வெல்யாய பகுதியை ஊடறுத்துப் பாயும் கடுபிட்டி ஓயா ஆற்றின் ஒரு பகுதி, உடைப்பெடுக்கும் அபாயம் காணப்படுவதாக, அப்பகுதி மக்கள் தெரிவிக்கின்றனர்.

மேற்படி ஆற்றின் ஒரு பகுதியில் அமைக்கப்பட்டுள்ள அணைக்கட்டே, இவ்வாறு உடைப்பெடுக்கும் அபாய நிலையில் காணப்படுவதாகவும், இதனைப் புனரமைக்க நடவடிக்கை எடுக்கப்படாமையால், பாரிய அனர்த்தம் ஏற்படக்கூடும் எனவும் அவர்கள் எச்சரிக்கை விடுத்துள்ளனர்.

கடுபிட்டி ஓயா ஆற்​று நீரைப் பயன்படுத்தி, 220 ஏக்கரில் விவசாய செய்கை மேற்கொள்ளப்படுவதுடன், அணைக்கட்டு உடைப்பெடுத்தால், அங்குள்ள வயல் காணிகள் வௌ்ளத்தில் மூழ்கி அழிவடையக்கூடுமென, விவசாயிகள் கவலை வெ ளியிட்டுள்ளனர்.