பாதுகாப்பு அங்கிகள் கையளிப்பு

ரஸீன் ரஸ்மின்

புத்தளம் தள வைத்தியசாலைக்கு வைத்தியர்கள் மற்றும் தாதியர்களுக்கான ஒருதொகுதி பாதுகாப்பு அங்கிகள் இன்று (11) கையளிக்கப்பட்டன.

புத்தளம் தள வைத்தியசாலையின் தலைமை தாதி குமுதினியின் வேண்டுகோளுக்கிணங்க Association of Muslim Youth of Sailan (AMYS)  அமைப்பினால் ஒரு இலட்சம்  ரூபா பெறுமதியான கொரோனா பாதுகாப்பு அங்கிகள் வழங்கப்பட்டுள்ளன.

Association of Muslim Youth of Sailan (AMYS)  அமைப்பின் பிரதிநிதியான பொறியியலாளர் முஹம்மட் அன்சிர் தலைமையிலான குழுவினர், புத்தளம் தள வைத்தியசாலையின் வைத்திய அத்தியட்சகர் வைத்தியர் சுமித் அத்தநாயக்கவிடம் அவற்றை கையளித்தனர்.

இதன்போது, புத்தளம் தள வைத்தியசாலை அபிவிருத்தி சங்க செயலாளர் சபீக் முஹம்மட் , உறுப்பினர் எஸ்.ஆர்.எம்.முஹ்சி உள்ளிட்டோரும் கலந்துகொண்டனர்.