புகையிரதத்தில் மோதுண்டு யானை பலி

பொலன்னறுவை கொலக்கனாவாடி பகுதியில் புகையிரதத்தில்  மோதுண்டு யானை ஒன்று உயிரிழந்துள்ளது.

கொழும்பிலிருந்து இன்று (02) அதிகாலை மட்டக்களப்பு நோக்கி பயணித்த புகையிரத்தில் மோதுண்டே குறித்த யானை உயிரிழந்துள்ளதாக பிரதேச மக்கள் தெரிவித்தனர்.

உயிரிழந்த யானையின் வயது 35 என வெலிகந்த வனஜீவி அதிகாரியொருவர் தெரிவித்தார். பொலன்னறுவை ஜால கெலும் வனத்தில் இருந்த யானையே இவ்வாறு உயிரிழந்துள்ளது.

அண்மையில் மேற்கொள்ளப்பட்ட கணக்கெடுப்பின் படி  விபத்துக்களினால் இவ்வருடத்தில் 160 க்கு மேற்பட்ட யானைகள் உயிரிழந்துள்ளதாக வனஜீவராசிகள் திணைக்களம் தெரிவித்துள்ளது.