விபத்தில் மோட்டார் சைக்கிள் சாரதி பலி

பொலன்னறுவை, அரலகங்வில நோக்கிப் பயணித்த டிப்பர் வண்டியை, முந்திச்செல்ல முயன்ற மோட்டார் சைக்கிளொன்று பின்னால் வந்த சிறியரக லொறி மோதியதில், மோட்டார் சைக்கிளின் சாரதி உயிரிழந்துள்ளார். இவ்விபத்து, திங்கட்கிழமை (29) இடம்பெற்றதாகப் பொலிஸார் தெரிவித்தனர். 

விபத்தில் உயிரிழந்தவர்,தம்பலவௌ, சிங்ஹ-உதாகம பகுதியைச் சேர்ந்த 32 வயதானவர் எனப் பொலிஸார் தெரிவித்தனர்.

விபத்துடன் தொடர்புடைய சிறிய ரக லொறியின் சாரதி தப்பிச்சென்றுள்ள நிலையில், டிப்பர் வண்டியின் சாரதியைப் பொலிஸார் கைதுசெய்து விசாரணைகளை மேற்கொண்டு வருகின்றனர்.