எகிப்தில் ஏற்பட்டுள்ள அமைதியற்ற நிலையை தொடர்ந்து மசகு எண்ணெய் விலை அதிகரிப்பு

எகிப்தில் ஏற்பட்டுள்ள அமைதியற்ற நிலையை தொடர்ந்து மசகு எண்ணெய்யின் விலை அதிகரித்துள்ளதாக சர்வதேச செய்திகள் அறிவிக்கின்றன. ஓகஸ்ட் மாதம் விநியோகிக்கப்படுவதற்கான மசகு எண்ணெய்யின் விலை பீப்பா ஒன்று 101.82 அமெரிக்க டொலர்களாக நேற்றைய தினம் நியுயோர்க் மேர்கன்டைல் எக்ஸ்சேன்ஜ் இல் பதிவாகியிருந்தது. கடந்த ஆண்டு மே மாதத்தின் பின்னர் பதிவாகிய உயர்ந்த பெறுமதியாக இது அமைந்திருந்தது.

 

எகிப்த், எண்ணெய் உற்பத்தியில் ஈடுபடாத நாடாக கருதப்பட்ட போதிலும், சுயெஸ் கால்வாயின் கட்டுப்பாட்டை தன்னகத்தே கொண்டுள்ளது. இந்த கால்வாயின் மூலமாகவே பெருமளவு எண்ணெய் சரக்கு கப்பல்கள் பயணங்களை மேற்கொள்கின்றமை குறிப்பிடத்தக்கது.