ஏற்றத்தாழ்வுப் பெறுமதிகளுடன் கொழும்பு பங்குச்சந்தை கொடுக்கல் வாங்கல்கள்

சந்தை ஏற்றத்தாழ்வுகள் நிறைந்த பெறுமதியை பதிவு செய்திருந்தது. சென்ரல் இன்வெஸ்ட்மன்ட்ஸ் அன்ட் ஃபினான்ஸ், பிசி ஹவுஸ் மற்றும் எஸ்எம்பி லீசிங் ஆகிய பங்குகள் மீது சிறியளவிலான முதலீட்டாளர்களின் அதிகளவு ஆர்வத்துடன் பங்குச்சந்தை உயர் பெறுமதிகளை பதிவு செய்திருந்தது. நிறுவனசார் மற்றும் உயர் நிகர பெறுமதி வாய்ந்த ஈடுபாடு ஹேமாஸ் ஹோல்டிங்ஸ், லங்கா ஐஓசி, கொமர்ஷல் வங்கி மற்றும் எக்ஸ்போலங்கா ஹோல்டிங்ஸ் ஆகிய பங்குகள் மீது பதிவாகியிருந்தது.

 

வங்கி, நிதியியல் மற்றும் காப்புறுதித்துறை என்பது சந்தைப்புரள்வு பெறுமதியில் உயர் பங்களிப்பை வழங்கியிருந்தது. (கொமர்ஷல் வங்கி மற்றும் சென்ரல் இன்வெஸ்ட்மன்ட்ஸ் அன்ட் ஃபினான்ஸ் பங்குகளின் பங்களிப்புடன்) துறையின் சுட்டெண் 0.27 வீத உயர்வை பதிவு செய்திருந்தது. கொமர்ஷல் வங்கி பங்கொன்றின் விலை 2.50 ரூபாவால் (1.85%) குறைந்து 137.50 ரூபாவாக நிறைவடைந்திருந்தது. வெளிநாட்டு உரிமையாண்மை 378,961 பங்குகளால் அதிகரித்திருந்தது. சென்ரல் இன்வெஸ்ட்மன்ட்ஸ் அன்ட் ஃபினான்ஸ் பங்கொன்றின் விலை மாற்றமின்றி 1.20 ரூபாவாக பதிவாகியிருந்தது.

 

பன்முகத்துறை என்பது சந்தைப் புரள்வு பெறுமதியில் இரண்டாவது அதிகளவு பங்களிப்பை செலுத்தியிருந்தது (ஜோன் கீல்ஸ் ஹோல்டிங்ஸ் மற்றும் ஹேமாஸ் ஹோல்டிங்ஸ் பங்களிப்புடன) இந்த துறையின் சுட்டெண் 0.04 வீத சரிவை பதிவு செய்திருந்தது. ஜோன் கீல்ஸ் ஹோல்டிங்ஸ் பங்கொன்றின் விலை 1.00 ரூபாவால் (0.45%) குறைந்து 222.90 ரூபாவாக நிறைவடைந்திருந்தது. ஹேமாஸ் ஹோல்டிங்ஸ் பங்கொன்றின் விலை 0.30 ரூபாவால் (0.68%) குறைந்து 43.50 ரூபாவாக பதிவாகியிருந்தது.

 

லங்கா ஐஓசி பங்குகளும் புரள்வு பெறுமதியில் உயர் பங்களிப்பை செலுத்தியிருந்தது. ஐஓசி பங்கொன்றின் விலை 0.10 ரூபாவால் (0.26%) அதிகரித்து 38.00 ரூபாவாக பதிவாகியிருந்தது. வெளிநாட்டு உரிமையாண்மை 900,000 பங்குகளால் குறைந்திருந்தது.