பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

-ச.சேகர்

 

கொழும்பு பங்குச்சந்தை கடந்த வாரம் 7000 புள்ளிகளை கடக்கும் என பரவலாக எதிர்பார்க்கப்பட்டிருந்த போதிலும், வியாழக்கிழமை மற்றும் வெள்ளிக்கிழமை இடம்பெற்ற சரிவான கொடுக்கல் வாங்கல்கள் காரணமாக இந்த இலக்கு எய்தப்பட முடியாமல் போனது. குறுகிய கால அடிப்படையில் பங்குச்சந்தையில் முதலீடு செய்து, இலாபமீட்டக்கூடிய சூழ்நிலை காணப்படுவதாக பங்கு முகவர்கள் கருத்து தெரிவித்திருந்தனர். ஜோன் கீல்ஸ் ஹோல்டிங்ஸ் பங்குகளின் விலை கடந்த வெள்ளிக்கிழமை அதிகரித்திருந்தமை 7000 புள்ளிகளை எய்தும் இலக்கை அடைய முடியாமைக்கு பிரதான காரணியாக அமைந்திருந்தது. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 6,943.85 ஆகவும், S&P ஸ்ரீலங்கா 20 சுட்டி 3820.93 ஆகவும் பதிவாகியிருந்தன.

 

ஓகஸ்ட் 11ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 9,129,205,758 அமைந்திருந்தது. கடந்த வாரம் மொத்தமாக 62,090 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 60,128 ஆகவும் வெளிநாட்டு கொடுக்கல் வாங்கல்கள் 1,962 ஆகவும் பதிவாகியிருந்தன.

 

திங்கட்கிழமை

சிரி ஹோல்டிங்ஸ், டயலொக் மற்றும் தேசிய அபிவிருத்தி வங்கி ஆகிய பங்குகள் மீது உயர்வான பெறுமதிகள் பதிவாகியதை தொடர்ந்து நேர் பெறுமதியில் பங்குச்சந்தை சுட்டிகள் நிறைவடைந்திருந்தன. ஹேலீஸ், செவ்ரொன் லுப்ரிகன்ட்ஸ், அக்சஸ் என்ஜினியரிங் மற்றும் டீசல் அன்ட் மோட்டர் என்ஜினியரிங் ஆகியவற்றின் மீது சந்திப்புகள் பதிவாகியிருந்தன. மேலும் நிறுவனசார் உயர்நிகர பெறுமதி வாய்ந்த ஈடுபாடு லங்கா மில்க் ஃபுட்ஸ் பங்குகளின் மீது பதிவாகியிருந்தது. புரள்வு பெறுமதி 1 பில்லியன் எனும் அளவை கடந்திருந்தது. சிறியளவிலான கொடுக்கல் வாங்கல்கள் கெப்பிட்டல் ஹோல்டிங்ஸ் பங்குகளின் மீதும் பதிவாகியிருந்தது.

 

செவ்வாய்க்கிழமை

சிலோன் டொபாக்கோ கம்பனி, சிலோன் கோல்ட் ஸ்ரோர்ஸ் மற்றும் செலிங்கோ லீசிங் கம்பனி ஆகிய பங்குகளின் மீது விலை உயர்வுகள் பதிவாகியிருந்ததை தொடர்ந்து, சுட்டிகள் நேர் பெறுமதியில் நிறைவடைந்திருந்தன. உயர் நிகர பெறுமதி வாய்ந்த நிறுவனசார் ஈடுபாடுகள் நேஷன்ஸ் ட்ரஸ்ட் வங்கி, ஜோன் கீல்ஸ் ஹோல்டிங்ஸ், லங்கா ஐஓசி, டீசல் அன்ட் மோட்டர் என்ஜினியரிங் மற்றும் சிலோன் கோல்ட் ஸ்ரோர்ஸ் ஆகிய பங்குகள் மீது பதிவாகியிருந்தன. புரள்வு பெறுமதியை 1.2 பில்லியன் ரூபாவுக்கு உயர்த்த இவை பங்களிப்பு வழங்கியிருந்தன. வெளிநாட்டவர்கள் நேஷன்ஸ் ட்ரஸ்ட் வங்கி, ஜோன் கீல்ஸ் ஹோல்டிங்ஸ் மற்றும் டிஸ்டிலரீஸ் பங்குகளை கொள்வனவு செய்திருந்ததன் மூலம் நிகர கொள்வனவாளர்களாக பதிவாகியிருந்தனர்.

 

புதன்கிழமை

நெஸ்லே லங்கா, ஜோன் கீல்ஸ் ஹோல்டிங்ஸ் மற்றும் ஸ்ரீலங்கா ரெலிகொம் ஆகிய பங்குகள் மீது விலை உயர்வு பதிவாகியிருந்தையின் காரணமாக சுட்டிகள் பச்சைப் பெறுமதியில் நிறைவடைந்திருந்தன. அக்சஸ் என்ஜினியரிங், சிலோ ஃபினான்ஸ், ஹற்றன் நஷனல் வங்கி மற்றும் டெக்ஸ்ச்சர்ட் ஜேர்சி ஆகிய பங்குகள் மீது மொத்த வியாபாரம் பதிவாகியிருந்தமையால் புரள்வு பெறுமதி 1.8 பில்லியன் ரூபாவாக உயர்ந்திருந்தது. பிரமல் கிளாஸ், பிரவுண்ஸ் இன்வெஸ்ட்மன்ட்ஸ் மற்றும் லங்கா சென்ச்சரி இன்வெஸ்ட்மன்ட் ஆகிய பங்குகள் மீது சிறியளவான முதலீட்டாளர்களின் ஈடுபாடு பதிவாகியிருந்தது. மேலும் கலப்பு ஈடுபாடு என்பது டெக்ஸ்ச்சர்ட் ஜேர்சி மற்றும் சிலோ ஃபினான்ஸ் பங்குகள் மீது பதிவாகியிருந்தமை குறிப்பிடத்தக்கது.

 

வியாழக்கிழமை

சந்தை நடவடிக்கைகளின் போது, அ.ப.வி.சு 7000 எனும் புள்ளிகளை கடந்திருந்த போதிலும், இறுதியாக நிறைவடையும் போது 6973 எனும் அளவில் நிறைவடைந்திருந்தது. நிறுவனசார் உயர் நிகர பெறுமதி வாய்ந்த ஈடுபாடு ஹேமாஸ் ஹோல்டிங்ஸ், கொமர்ஷல் வங்கி மற்றும் சிலோன் கோல்ட் ஸ்ரோர்ஸ் ஆகிய பங்குகள் மீது பதிவாகியிருந்தது. கலப்பு ஈடுபாடு ஜோன் கீல்ஸ் ஹோல்டிங்ஸ் மீது பதிவாகியிருந்தது. மேலும், சிறியளவிலான முதலீட்டாளர்களின் ஈடுபாடு லங்கா சென்ச்சரி இன்வெஸ்ட்மன்ட்ஸ், சிலோ ஃபினான்ஸ் மற்றும் பிரமல் கிளாஸ், பிரவுன்ஸ் இன்வெஸ்ட்மன்ட்ஸ் மற்றும் ஜனசக்தி இன்சூரன்ஸ் ஆகிய பங்குகளின் மீது பதிவாகியிருந்தது.

 

வெள்ளிக்கிழமை

சிலோன் டொபாக்கோ கம்பனி, கார்சன் கம்பர்பெட்ச் மற்றும் ஜோன்கீல்ஸ் ஹோல்டிங்ஸ் பங்குகளின் மீதான விலைக்குறைப்புகள் காரணமாக சுட்டிகள் மறைபெறுமதியில் நிறைவடைந்திருந்தன. ஜோன்கீல்ஸ் பங்குகள் மீதான மொத்த கைமாறல்கள் சந்தை புரள்வு பெறுமதியில் 60 வீத பங்களிப்பை வழங்கியிருந்தது. புரள்வு பெறுமதி 2.9 பில்லியன் ரூபாவை கடந்து நிறைவடைந்திருந்தது. உயர் நிகர பெறுமதியான நிறுவனசார் ஈடுபாடு ஜோன் கீல்ஸ் ஹோல்டிங்ஸ், லங்கா ஐஓசி, நேஷன்ஸ் ட்ரஸ்ட் வங்கி, ஹற்றன் நஷனல் வங்கி, டிஸ்டிலரீஸ், தேசிய அபிவிருத்தி வங்கி மற்றும் ஆசிரி ஹொஸ்பிட்டல்ஸ் போன்றவற்றின் மீது பதிவாகியிருந்தது. சம்பத் வங்கி மற்றும் சிலோன் கார்டியன் ஆகிய பங்குகள் மீது கலப்பு ஈடுபாடு பதிவாகியிருந்தது. சிறியளவிலான ஈடுபாடு என்ட்ரஸ்ட் செக்கியுரிட்டீஸ் மற்றும் லங்கா சென்ச்சரி இன்வெஸ்ட்மன்ட்ஸ் ஆகியவற்றின் மீது பதிவாகியிருந்தது. வெளிநாட்டவர்கள் அதிகளவு ஈடுபாட்டுடன் காணப்பட்டனர்.

 

கடந்த வார கொடுக்கல் வாங்கல் நடவடிக்கைகளில் லங்கா சென்ச்சரி (உரிமை), உடபுசல்லாவ, ஃபர்ஸ்ட் கெப்பிட்டல், டுனாமிஸ் கெப்பிட்டல் மற்றும் என்ட்ரஸ்ட் செக்கியுரிட்டிஸ் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

 

பிசி பார்மா, பாம் காடன் ஹோட்டல், சுவர்ணமஹால், த்ரீ ஏக்கர் பார்ம்ஸ் மற்றும் செரண்டிப் ஹோட்டல்ஸ் (சாதாரண) போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

தங்கம் விலை நிலைவரம்

கடந்த வாரம் 24 கெரட் தங்கத்தின் சராசரி விலை 45,300 ரூபாவாகவும், 22 கெரட் தங்கத்தின் விலை 42,500 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

 

நாணய மாற்று விகிதம்

கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 131.60 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 220.20 ஆக காணப்பட்டிருந்தது.