பல்கலைக்கழக மாணவர்களுக்கு மடிகணினிகள்

சிங்கர் ஸ்ரீ லங்கா பீஎல்சி, பல்கலைக்கழக மாணவர்களுக்கு மடிகணினிகளை வாங்க வட்டியற்ற கடன்களை வழங்கும் திட்டத்தின் கீழ் நாடெங்கிலுமுள்ள பல்கலைக்கழக மாணவர்களுக்கு மடிகணினிகளை வழங்குவதற்கு கல்வியமைச்சுடன் கைகோர்த்துள்ளது. அரசாங்கம் முன்வைத்த 2016 ஆம் ஆண்டுக்கான வரவுசெலவுத் திட்டத்துக்கு அமைவாக, உயர் கல்வி மற்றும் நெடுஞ்சாலைகள் அமைச்சு, நிதி அமைச்சு, பல்கலைக்கழக மானியங்கள் ஆணைக்குழு மற்றும் பல்கலைக்கழக மானியங்கள் ஆணைக்குழுவுக்கு கீழ்ப்பட்ட பல்கலைக்கழகங்கள் ஆகியவற்றுடன் இணைந்து இச்செயற்றிட்டம் அமுலாக்கம் செய்யப்படுகின்றது.  

இந்தப் பங்குடமையினூடாக உயர் கல்வி அமைச்சின் ஏற்பாட்டின் கீழ் மக்கள் வங்கி மற்றும் இலங்கை வங்கி ஆகிய இரு அரச வங்கிகளின் மூலமாக வட்டியற்ற விசேட கடன் திட்டத்தின் கீழ் பல்கலைக்கழக மாணவர்களுக்கு DELL மற்றும் Singer X-Series மடிகணினிகளை சிங்கர் ஸ்ரீ லங்கா நிறுவனம் வழங்கவுள்ளது. நவீன Intel 6th Generation i3 மற்றும் i5 Processors கொண்ட உயர் தொழிற்படுதிறனுடனான மடிகணினிகள் உட்பட பல்வேறு வகையான மடிகணினிகளைத் தெரிவுசெய்யும் வாய்ப்பை மாணவர்கள் கொண்டுள்ளதுடன், இந்த மடிகணினிகள் அனைத்தும் நவீன தொழில்நுட்ப அம்சங்கள் மற்றும் அசல்Windows 10 operating system ஆகியவற்றையும் கொண்டுள்ளன.

சிங்கரிடமிருந்து மடிகணினி ஒன்றை வாங்க விரும்புகின்ற எந்தவொரு மாணவரும் நாடளாவிய ரீதியில் உள்ள எந்தவொரு பல்கலைக்கழத்துக்கும் அருகாமையிலுள்ள எமது கிளைகளில் அவற்றை சௌகரியமாகப் பெற்றுக்கொள்ளும் வசதி உள்ளது. DELL மற்றும் Singer X-Series மடிகணினிகளை மாணவர்கள் தெரிவுசெய்ய முடிவதுடன், அவற்றுக்கு 3 வருட நம்பிக்கையுடனான உத்தரவாதமும், நாடெங்கிலுமுள்ள எமது சேவை வலையமைப்பின் மூலமான விற்பனைக்குப் பின்னரான பேணற் சேவைகளும் கிடைக்கப் பெறுகின்றன.