புதிய கிராமசக்தி வேலைத்திட்டத்தின் கீழ் யோகட் வகை அறிமுகம்

-எஸ். சதீஸ்

ஜனாதிபதியின் வேலைத் திட்டத்தின் கிழ் நுவரெலியா மாவட்டத்திற்கு உட்பட்ட அம்பகமுவ பிரதேச செயலாளர் பிரிவின் கீழ் 320 எல் வெஞ்சர் கிராமசேவகர் பிரிவின் கீழ் நோர்வுட் வெஞ்சர் தேயிலைத் தொழிற்சாலை பிரிவில் புதிய யோகட் தயாரிப்பு நிறுவனம் ஒன்று உருவாக்கபட்டுள்ளது.  

அதன் முதல் ஆரம்பகட்ட நிகழ்வு நோர்வுட் சின்ன எலிப்படை தோட்டத்தில் உள்ள கலாசார மண்டபத்தில் வெஞ்சர் செட் யோகட் அறிமுகப்படுத்தும் நிகழ்வு அண்மையில் கிராம அபிவிருத்தி உத்தியோகத்தர்   ரோசிபிட்டா சேவியர் தலைமையில் நடைபெற்றது.  

இந்த நிகழ்வில் பிரதம அதிதியாக நுவரெலியா மாவட்ட செயலாளர் ரோகன புஷ்பகுமார நோர்வுட் பிரதேச சபையின் தலைவர் ரவிகுழந்தைவேல் அம்பகமுவ பிரதேச செயலகத்தின் திட்டமிடல் உதவிப் பணிப்பாளர் திருமதி ஏ.எம்.ஜயசூரிய ஹட்டன் டிக்கோயா நகர சபையின் செயலாளர் ஏ.சரவணபவன் கிராம உத்தியோகத்தர் பொகவந்தலாவ பிரதேசத்திற்கு பொறுப்பான பொது சுகாதார பரிசோதகர் எஸ்.கணேசன் மற்றும் பலரும் கலந்து கொண்டனர்.

புதிதாக தயாரிக்கபட்ட புதிய யோகட் வகையினை பிரதம அதிதிகளுக்கு வழங்கி வைக்கப்பட்டமையும் குறிப்பிடதக்கது.