மலைநகரத் தலைநகரிலிருந்து உருவான தொலைநோக்கு தலைமைத்துவம் டிஆர்ஆர் ராஜன்

மத்திய மலைநகரமான கண்டியைத் தாயகமாகக் கொண்ட சன் மேட்ச் கம்பெனி, இலங்கையில் முதன்முறையாக மெழுகு பூசப்பட்ட பாதுகாப்பு தீப்பெட்டிகளை அறிமுகப்படுத்திய நிறுவனம் ஆகும். இன்று ‘சூர்யா’ என்ற பிராண்டின் கீழ் சந்தை முன்னணியில் திகழும் இந்நிறுவனம், அதன் நிறுவனர் மறைந்த டிஆர்ஆர் ராஜனின் 23வது நினைவு தினத்தை அனுசரித்தது. அன்பும் மதிப்பும் நிறைந்த அந்தத் தலைவரை நினைவுகூரும் வகையில், நடக்க முடியாத ஒருவருக்கு மீண்டும் நடக்க உதவுவதற்காக 250வது செயற்கைக் கால் (ப்ரோஸ்தெடிக் லிம்ப்) வழங்கப்பட்டது.

தீப்பெட்டி வகையில் இலங்கையின் மறுக்க முடியாத சந்தைத் தலைவராக உள்ள சன் மேட்ச் கம்பெனி, சூர்யா தூபக்குச்சிகள், சூர்யா மெழுகுவர்த்திகள், சூர்யா சாம்பிராணி உள்ளிட்ட பல்வேறு தயாரிப்புகளிலும் தன்னை விரிவுபடுத்தி, இன்று நம்பகமான குடும்பப் பிராண்டாக விளங்குகிறது.

பொருளாதார வசதி குறைந்த மாற்றுத் திறனாளிகளுக்குச் செயற்கைக் கால்கள் வழங்கும் ‘நவத அவிடிமு’ முயற்சி, ஒரு முக்கியமான சமூகத் தேவையை பூர்த்தி செய்வதுடன், அவர்களின் வாழ்க்கைக்கு புதிய ஒளியை அளிக்கிறது. வெறும் தானத்தைக் கடந்துச் சென்று, உண்மையான அதிகாரமளிப்பை நோக்கமாகக் கொண்ட டிஆர்ஆர் ராஜனின் தத்துவத்தையே இந்தத் திட்டம் பிரதிபலிக்கிறது.

செயற்கைக் கால்கள் வழங்கும் இந்த முக்கியத் திட்டம், கல்வி மற்றும் மறுவாழ்வு ஆதரவையும் வழங்கி, பயனாளர்கள் வாழ்க்கையிலும் சமூகத்திலும் தங்களின் முழுத் திறனை வெளிப்படுத்த உதவுகிறது. இது சன் மேட்ச் நிறுவனத்தில் டிஆர்ஆர் ராஜன் வலியுறுத்திய முக்கியமான மதிப்பாகும். சமீபத்தில் நடைபெற்ற இந்த வழங்கல் நிகழ்வு, அவரது சகோதரரும் நிறுவனத்தின் தலைவர் தேசமாண்ய சூரி ராஜன், மறைந்த டிஆர்ஆர் ராஜனின் மனைவி ஜீவா, மகள்கள் கவுரி, அஹல்யா, அஷ்வினி, மேலும் நிறுவனத்தின் நிர்வாகம் மற்றும் ஊழியர்கள் முன்னிலையில் நடைபெற்றது. தொடங்கியதிலிருந்து நாற்பது ஆண்டுகளுக்கு மேலாக நிறுவனர் பாரம்பரியத்தைத் தொடர்ந்து வரும் கண்டியின் மிகப் பழமையான குடும்ப நிறுவனங்களில் ஒன்றாக இருப்பதால், இந்த நிகழ்வு வரலாற்றுச் சிறப்புடையதாக அமைந்தது.

சூர்யா பிராண்டின் தூதுவரும், இலங்கையின் மிகவும் மதிக்கப்படும் திரை நட்சத்திரங்களில் ஒருவருமான யஷோதா விமலதர்மா, இந்த முயற்சியின் முக்கியத்துவத்தை வலியுறுத்தி,

“ஒருவருக்கு மீண்டும் நடக்கும் திறனை அளிப்பதே இன்று மனிதகுலத்திற்கு வழங்கக்கூடிய மிகப் பெரிய பரிசு” எனத் தெரிவித்தார்.

சன் மேட்ச் இயக்குநரும் முதன்மை சந்தைப்படுத்தல் அதிகாரியுமான கவுரி ராஜன் கூறுகையில்:

“நவத அவிடிமு முயற்சி, அனைத்து சமூகங்களுக்குமான சன் மேட்ச் நிறுவனத்தின் நிலைத்த உறுதிப்பாட்டிற்கான சாட்சியாகும். எங்கள் தொலைநோக்கு நிறுவனர் டிஆர்ஆர் ராஜனின் 23வது நினைவு தினத்தை நினைவுகூரும் இந்நேரத்தில், அவரது பாரம்பரியத்தை மரியாதை செய்யும் விதமாக, நம்பிக்கை, தாங்கும் வலிமை மற்றும் முன்னேற்றத்தின் அசைக்க முடியாத ஆவியை குறிக்கும் செயற்கைக் கால்களை மாற்றுத் திறனாளிகளுக்கு வழங்குகிறோம். நவத அவிடிமு மூலம், ஊக்கமும் மாற்றமும் நிறைந்த பாதைகளை உருவாக்கி, வழிகாட்டும் ஒளியாக நாங்கள் தொடர்ந்து செயல்படுகிறோம்” என்றார்.

மறைந்த டிஆர்ஆர் ராஜன், குண்டசாலேயிலுள்ள மாற்றுத் திறனாளிகளுக்கான மையத்தை (Centre for Handicapped) மீளுருவாக்குவதில் முக்கிய பங்காற்றினார். இன்று அது அரசு அங்கீகாரம் பெற்ற தொண்டு நிறுவனமாக உள்ளது. நோயாளிகளை அடையாளம் காண்பதும், செயற்கைக் கால்களை தயாரிப்பதும் இதன் முக்கிய பணியாக இருந்து, கண்டியின் அடையாளத் திட்டமாக விளங்குகிறது. அந்த மையத்தின் தலைவராக இருந்த காலத்தில், டிஆர்ஆர் ராஜன், USAID, NORAD போன்ற புகழ்பெற்ற அமைப்புகள் மற்றும் இலங்கை அரசுடன் இணைந்து, இனம் அல்லது பாலின வேறுபாடின்றி மாற்றுத் திறனாளிகளுக்கு செயற்கைக் கால்கள் தயாரித்து வழங்கினார்.

“எங்கள் நிறுவனருக்கான மரியாதையாக, நிதி நெருக்கடி மற்றும் கடினமான காலங்களிலும் இந்த முயற்சியை தொடர்ந்து முன்னெடுத்தோம்” என சன் மேட்ச் நிறுவனத்தின் தலைவர் மற்றும் மறைந்த டிஆர்ஆர் ராஜனின் சகோதரரான சூரி ராஜன் தெரிவித்தார்.

நிறுவன சமூக பொறுப்புக்கு ஆழ்ந்த அர்ப்பணிப்புடன், சன் மேட்ச் நிறுவனம் இலங்கையர்களின் வாழ்க்கையில் நீடித்த தாக்கத்தை ஏற்படுத்த உறுதியாக உள்ளது. தன் பிரிவில் தொடர்ந்து இத்தகைய முக்கியமான CSR முயற்சியில் ஈடுபட்டு வரும் ஒரே நிறுவனமாக இருப்பதில் பெருமை கொள்கிறது. நவத அவிடிமு மூலம், சன் மேட்ச் நிறுவனம் மாற்றுத் திறனாளிகள் மீண்டும் நடக்க உதவுவதோடு மட்டுமல்லாமல், அவர்கள் மீண்டும் தொழில்துறையில் இணைந்து, மரியாதையுடனும் சுயாதீனத்துடனும் வாழ அதிகாரமளிக்கிறது.