77 கிலோகிராம் கஞ்சா மீட்பு

-சுப்பிரமணியம் பாஸ்கரன், சண்முகம் தவசீலன்

முல்லைத்தீவு அம்பலவன் பொக்கணைப்பகுதியில் முச்சக்கரவண்டி ஒன்றில் இருந்து  77.450 கிலோகிராம் கேரளா கஞ்சா, வெள்ளிக்கிழமை (23) மாலை கைப்பற்றப்பட்டுள்ளது என முல்லைத்தீவு பொலிஸார் தெரிவித்தனர்.

முல்லைத்தீவு  கடற்படையினர் வழங்கிய தகவலையடுத்து, முல்லைத்தீவு பொலிஸார் மேற்கொண்ட நடவடிக்கையில் முச்சக்கரவண்டியில்  மறைத்து வைக்கப்பட்டிருந்த 77.450கிலோகிராம் கேரளா கஞ்சா மீட்கப்பட்டுள்ளது.

இது தொடர்பில் எவரும் இதுவரை கைதுசெய்யப்படவில்லை. மேலதிக விசாரைணகளை பொலிஸார் மேற்கொண்டு வருகின்றனர்.