'சரியாக திட்டமிடப்படாத வேலைத்திட்டம் வெற்றியடையாது'

- சுப்பிரமணியம் பாஸ்கரன்

'சரியான முறையில் திட்டமிடப்படாத எந்தவொரு அபிவிருத்தி வேலைத்திட்டமும் வெற்றியடையாது என்;பது எங்களுடைய வரலாற்று உண்மை' என கிளிநொச்சி மாவட்ட செயலாளர் சுந்தரம் அருமைநாயகம் தெரிவித்தார்.

அபிவிருத்திக்கான உதவு ஊக்க இலங்கை மையத்தின் ஏற்பாட்டில் கிளிநொச்சி மாவட்ட கூட்டுறவுச்; சபை மண்டபத்தில் செவ்வாய்க்கிழமை (19) நடைபெற்ற, அபிவிருத்தி திட்டம் தாயரித்தல் தொடர்பான பயிற்சி நெறியின் தொடக்க நிகழ்வில் கலந்துகொண்டு உரையாற்றும் போதே அவர் இவ்வாறு தெரிவித்தார்.

அங்கு தொடர்ந்து அவர் கூறுகையில், '2016 ஆம் ஆண்;டில் கிளிநொச்சி மாவட்டத்துக்கு அதிஷ்டமான ஆண்டாக அமைந்துள்ளது. 2016ஆம் ஆண்டில் பல்வேறு அபிவிருத்தி நடவடிக்கைகளுக்காக பல ஆயிரம் மில்லியன் ரூபாய் நிதிகள் கிடைக்கவுள்ளன.

வீட்டுத்திட்டங்கள், வாழ்வாதார உதவி, உட்கட்டமைப்புக்கள், சுகாதார வசதிகள் மற்றும் சமூக அபிவிருத்திகள்; என பல துறைசார்ந்த அபிவிருத்தி வேலைகளுக்கு நிதிகள் கிடைக்கவுள்ளன' என்றார்.

'யுத்தம் முடிவுற்று 7 வருடங்கள் கடந்துள்ள போதும், மாவட்டத்தினுடைய அபிவிருத்தி முன்னேற்றமடையவில்லை என்பது வெளிப்படையானது. இந்தத் தருணத்;தில் இவ்வாறான உதவிகள் கிடைக்கப் பெறுவது வரவேற்க்கத்தக்கது.

நிதிகளை சரியான முறையில் திட்டமிட்டு நடைமுறைப்படுத்துவதில் தான் அதனுடைய உண்மையான நோக்கம் நிறைவேறும். நிதிகளை செலவளிப்பது என்பது முக்கியமல்ல, மாறாக நிதிகளை எவ்வாறு நாங்கள் செலவளிக்கப்;போகின்றோம்; என்பது தான் முக்கியம்.

எங்களுக்காக எதிர்காலத்தில் கிடைக்கின்ற அல்லது கிடைத்திருக்கின்ற நிதிகளை சரியான முறையில் பயன்படுத்துவதன் மூலம் எங்களுடைய திட்டமிடப்பட்ட அபிவிருத்தி இலக்கை அடைய முடியும் என்ற தளத்துக்கு கொண்டு செல்லும் வகையில் இந்தப் பயிற்சிநெறி அமையும்'. என்றார்.