விபத்தில் பெண் காயம்

வவுனியா நெளுக்குளத்தில் இன்று மதியம் இடம்பெற்ற விபத்தில் பெண்ணொருவர் காயமடைந்து வவுனியா பொது வைத்தியசாலையில் அனுமதிக்கப்பட்டுள்ளார்.

நெளுக்களம் செட்டிகுளம் வீதியில் பயணித்துக்கொண்டிருந்த சிறிய கன்டர் ரக வாகனத்துடன் குறித்தப் பெண் செலுத்தி சென்ற மோட்டார் சைக்கிள் மோதுண்டதில், சுமார் ஐம்பது மீற்றர் தூரம் மோட்டார் சைக்கிளை தள்ளிச்சென்ற கன்ரர் ரக வாகனம் மின்கம்பத்துடன் மோதுண்டு மின்கம்பத்தினையும் சேதப்படுத்தியுள்ளது.

இவ் விபத்து சம்பவம் தொடர்பாக வவுனியா பொலிஸார் விசாரணைகளை மேற்கொண்டு வருகின்றனர்.