'விவசாய பண்ணையிலிருந்து இராணுவத்தை வெளியேற்றுங்கள்'

-சுப்பிரமணியம் பாஸ்கரன், எஸ்.என்.நிபோஜன்

கிளிநொச்சி, வட்டக்கச்சி விவசாய பண்ணையில் முகாம் அமைத்துள்ள இராணுவத்தினரை வெளிறே்றி விவசாய பண்ணையை உரியவர்களிடம் கையளிக்குமாறு கோரி, ஆர்ப்பாட்டமொன்று இன்று முன்னெடுக்கப்பட்டது.

வட்டக்கச்சி விவசாய பண்ணை முன்பாக ஒன்றுசேர்ந்த ஆர்ப்பாட்டக்காரர்கள், கிளிநொச்சி மாவட்ட செயலகம் வரை ஊர்வலமாகச் சென்றனர்.

இதன் போது, ஜனாதிபதி, பிரதமர் ஆகியோரிடம் கொடுக்குமாறு கோரி, மாவட்டச் செயலாளரிடம் மகஜர் கையளிக்கப்பட்டது.

கிளிநொச்சி மாவட்ட விவசாய சம்மேளனத்தினால் முன்னெடுக்கப்பட்ட இந்த ஆர்ப்பாட்டத்தில், வடமாகாண விவசாய அமைச்சர் ஐங்கரநேசன், வடமாகாண சபை உறுப்பினர் சு.பசுபதிப்பிள்ளை, நாடாளுமன்ற உறுப்பினர் சி.சிறிதரன், விவசாயிகள், சிவில் அமைப்புக்கள், பொதுமக்கள் ஆகியோர் கலந்துகொண்டனர்.