1904 நாணயக் குற்றிகள் மீட்பு

-எஸ்.றொசேரியன் லெம்பேட்

மன்னார் - நானாட்டான்  சந்திக்கு அருகில், 'வடக்கு வீதி'  எனும் இடத்தில் உள்ள காணி ஒன்றில் இருந்து, மீன் மற்றும் வாள் சின்னங்கள் பொறிக்கப்பட்ட 1,904 நாணயக் குற்றிகளும்  சட்டி பானை ஓட்டுத் துண்டுகளும்  கண்டுபிடிக்கப்பட்டுள்ளன.

கடந்த வெள்ளிக்கிழமை (18), குறித்த காணியின் உரிமையாளரால்  வீடு கட்டுவதற்காக பள்ளம் தோண்டிய   போதே, இவை வெளிந்துள்ளது.

இது தொடர்பில், நானாட்டான் பிரதேச சபையின் உப தவிசாளருக்கு தெரியப்படுத்தப்பட்டதை அடுத்து, முருங்கன்  பொலிஸ் நிலைய பொறுப்பதிகாரியும் ஸ்தலத்துக்கு விரைந்த  உப தவிசாளரும், குறித்த நாணயக் குற்றிகள் உள்ளிட்ட பொருள்களை மீட்டுள்ளனர்.

மீட்கப்பட்ட இந்த நாணயக் குற்றிகள் யாவும் மன்னார் நீதிமன்றத்தின் ஊடாக தொல்பொருள் திணைக்களத்திடம் ஒப்படைக்க நடவடிக்கை எடுக்கப்பட்டுள்ளது.