செட்டிகுளம் மகாவித்தியாலயத்துக்கு வடமாகாண கல்வி அமைச்சர் விஜயம்

-நவரத்தினம் கபில்நாத்

வவுனியா, செட்டிகுளம் மகா வித்தியாலயத்துக்கு  வடமாகாண கல்வி அமைச்சர் தம்பிராஜா குருகுலராஜா நேற்று வியாழக்கிழமை  திடீர் விஜயம் மேற்கொண்டார்.

இந்தப் பாடசாலையில் 100 வருடங்களை  கடந்த ஒல்லாந்தர் காலக் கட்டடமொன்றை புனரமைக்கும் நோக்குடன்  இங்கு அவர் விஜயம் செய்தார். பாடசாலைக்கு விஜயம் செய்த வடமாகாண கல்வி அமைச்சருடன் பாடசாலை வேலைகள் பணிப்பாளர் தே.சுரேஸ்குமார், உத்தியோகஸ்;தர்கள், அதிபர், பிரதி அதிபர், ஆசிரியர்களுடன் கலந்துரையாடினர்.

இதன்போது பாடசாலைக் கல்வி நிலை, பௌதீக வள அபிவிருத்திகள் தொடர்பில் கலந்துரையாடப்பட்டன.  

இதேவேளை, புதிதாக அமைத்து வேலைகள் நிறைவடையும் நிலையில் இருக்கும் தொழில்நுட்ப ஆய்வுகூடம், தொழில்நுட்பப்பீடம் என்பவற்றையும் பார்வையிட்டதுடன், பாடசாலை சுற்றுப்புறங்களையும் பார்வையிட்டார்.