இந்திய வீட்டுத்திட்டம் கிளிநொச்சியில் மேலும் தேவை

- சுப்பிரமணியம் பாஸ்கரன்

கிளிநொச்சி, கண்டாவளை பிரதேச செயலாளர் பிரிவுக்குட்பட்ட பிரதேசங்களிலுள்ள மக்களுக்கு வீட்டுத்திட்டம் தேவைப்படுவதாக யாழ். இந்தியத் துணைத்தூதரக கொன்சலட் ஜெனரல் ஏ.நடராஜனிடம் நாடாளுமன்ற உறுப்பினர் முருகேசு சந்திரகுமார் கோரிக்கை  விடுத்துள்ளார்.

யாழ். இந்தியத் துணைத்தூதரகத்தில் நேற்று செவ்வாய்க்கிழமை (26) நடைபெற்ற சந்திப்பிலேயே அவர் இந்தக்  கோரிக்கையை முன்வைத்தார்.

இந்தச் சந்திப்பின்போது, இந்திய வீட்டுத்திட்டம் யுத்தத்தால் பாதிக்கப்பட்ட மக்களுக்கு மிகவும் அவசியமானது எனக் கூறிய நாடாளுமன்ற உறுப்பினர், கண்டாவளை பிரதேசத்தில் சில கிராம அலுவலர் பிரிவுகளில் காணப்பட்ட காணிப் பிணக்குகள் தீர்க்கப்பட்டுள்ளன. அவ்வாறு காணிப்பிணக்குகள் தீர்க்கப்பட்ட மக்களுக்கு வீட்டுத்திட்டம் தேவையாகவுள்ளதாக கூறினார்.
இந்தச் சந்திப்பில் துணை கொன்சலட் ஜெனரல் எஸ்.டி.மூர்த்தியும் கலந்துகொண்டார்.