கழிவுகள் கொட்டப்படுவதற்கு எதிராக ஆர்ப்பாட்டம் நடத்தப்படும்

- சுப்பிரமணியம் பாஸ்கரன்

கிளிநொச்சி உமையாள்புரம் பகுதியில் பொதுமக்களின் குடியிருப்புகளுக்கு அண்மித்த பகுதிகளில் கழிவுகள் கொட்டப்படுவதை எதிர்த்து கண்டன ஆர்ப்பாட்டம் நடத்தப்படும் என உமையாள்புரம் கிராம அபிவிருத்திச் சங்கத்தினர் தெரிவித்தனர்.

மக்களின் குடியிருப்பு பகுதிகளில் கழிவுகள் கொட்டப்பபடுவதனால் துர்நாற்றம் வீசுவதுடன் இலையான்களின் பெருக்;கம் அதிகரித்துக் காணப்படுகின்றது.

கிளிநொச்சி நகரத்திலும் அதனை அண்மித்த பகுதிகளிலும் சேகரிக்கப்படும் திண்ம மற்றும் திரவக்கழிவுகள் பாதுகாப்பற்ற முறையில் திறந்த வெளிகளிலும், ஏ - 9 வீதிக்கு அண்மையாகவும் பொதுமக்களின் குடியிருப்புகளுக்கு அண்மித்த பகுதிகளிலும் கொட்டப்படுகின்றன.

இவ்வாறு பாதுகாப்பற்ற முறையில் கொட்டப்படும் கழிவுகளை பறவைகள், விலங்குகள் காவிச் சென்று; குடியிருப்புக்களில் போடுகின்றன.

இதனால் நோய்கள் பரவும் அபாயநிலை காணப்படுவதாகவும் இவ்வாறு கழிவுகள் கொட்டப்படுகின்றமை தொடர்பாக பல தடவைகள் உரிய அதிகாரிகளின் கவனத்துக்கு கொண்டு வந்தபோதும், எதுவித நடவடிக்;கைகளும் எடுக்;கப்படவில்லை எனவும் தெரிவித்;தனர்.