கொக்கிளாயில் விகாரை அமைப்பதற்கு எதிர்ப்பு தெரிவித்து போராட்டம்

-நடராசா கிருஸ்ணகுமார்

முல்லைத்தீவு, கொக்கிளாயில் தமிழ் மக்களுக்குச் சொந்தமான காணியில் சட்ட விரோதமான முறையில் விகாரை அமைக்கப்பட்டு வருவதற்கு எதிர்ப்புத் தெரிவித்து காணி உரிமையாளர்கள் மற்றும் கிராம மக்களால் விகாரை அமைக்கப்படும் பகுதிக்கு முன்பாக நாளை வெள்ளிக்கிழமை (05), கவனயீர்ப்புப் போராட்டம் ஒன்று ஏற்பாடு செய்யப்பட்டுள்ளதாக ஏற்பாட்டாளர்கள் கூறினர்.

கொக்கிளாய், கொக்குத்தொடுவாய் மற்றும் கருநாட்டுக்கேணி ஆகிய  கிராம மக்கள் இணைந்து கவனயீர்ப்புப் போராட்டம் செய்யவுள்ளதுடன், காணி உரிமையாளர்கள் சிலர், அடையாள உண்ணாவிரதத்திலும் ஈடுபடவுள்ளனர்.

முல்லைத்தீவு கொக்கிளாய் வைத்தியசாலை காணியின் ஒரு பகுதியையும் தமிழ் மக்களுக்குச் சொந்தமான காணிகளையும் பாதை ஒன்றையும் இணைத்து பிக்கு ஒருவரால் இராணுவத்தினரின் துணையுடன் இந்த விகாரை அமைக்கப்படுகின்றது.

இந்த விகாரை அமைப்பதற்கு தென்னிலங்கையைச் சேர்ந்த ஒருவர் பல மில்லியன் ரூபாய் செலவு செய்வதாக போராட்ட ஏற்பாட்டாளர்கள் கூறினர்.