‘463 வாக்காளர்களுக்கு புத்தளத்தில் வாக்களிப்பதற்கு ஏற்பாடு’

-சண்முகம் தவசீலன்

ஏற்றுக்கொள்ளப்பட்ட நியாயமானக் காரணங்களுக்காக, தமது சொந்த வாக்களிப்பு நிலையங்களில் வாக்களிக்க முடியாத 463 வாக்காளர்களுக்கு, புத்தளத்தில் வாக்களிப்பதற்கான ஏற்பாடுகள் மேற்கொள்ளப்பட்டுள்ளனவென, முல்லைத்தீவு மாவட்ட உதவி தேர்தல் ஆணையாளர் கா. காந்தீபன் தெரிவித்தார்.

இந்த 463 பேரும், புத்தளத்தில் வாக்களிப்பதற்கான விண்ணப்பத்தைத் தேர்தல் ஆணைக்குழு ஆராய்ந்ததன் அடிப்படையிலேயே, அவர்களுக்கு புத்தளத்தில் வாக்களிப்பதற்கான ஏற்பாடுகள் மேற்கொள்ளப்பட்டுள்ளனவெனவும், அவர் கூறினார்.

முல்லைத்தீவு மாவட்டத்தில், தபால் மூல வாக்களிப்புக்கான வாக்குச்சீட்டுகள் அடங்கிய பொதிகள், இன்று (30) அஞ்சல் அலுவலகத்துக்கு அனுப்பி வைக்கப்பட்டதைத் தொடர்ந்து,  ஊடகங்களுக்குக் கருத்துத் தெரிவிக்கும் போதே, அவர் இவ்வாறு தெரிவித்தார்.