அனுமதியின்றி கடலட்டை பிடித்தவர்களுக்கு அபராதம்

-எஸ்.அரசரட்ணம்

கிளிநொச்சி, பூநகரி கல்முனை கடற்பரப்பில் கடந்த புதன்கிழமை (11) அனுமதியின்றி கடலட்டை பிடித்த 6 மீனவர்களுக்கு தலா 3,000 ரூபாய் அபராதம் விதித்து கிளிநொச்சி நீதிவான் நீதிமன்ற நீதவான் ஏ.ஏ.ஆனந்தராசா வெள்ளிக்கிழமை (13) தீர்ப்பளித்தார்.

அவர்களிடமிருந்து கைப்பற்றப்பட்ட கடலட்டைகளை அழிக்குமாறும் நீதவான் உத்தரவிட்டார்.

குருநகரைச் சேர்ந்த மேற்படி 6 மீனவர்களையும் கடற்படையினர் கைது செய்து, கிளிநொச்சி மாவட்ட கடற்றொழில் நீரியல் வளத்துறையினரிடம் ஒப்படைத்தனர்.

இதையடுத்து, குறித்த மீனவர்களை நீதிமன்றத்தில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.