‘அபிவிருத்தி வேலைகள் இடம்பெறுகின்றன’

-சுப்பிரமணியம் பாஸ்கரன்

பச்சிலைப்பள்ளி பிரதேசத்தில் பிரதேச சபையால் பல்வேறுபட்ட அபிவிருத்தி வேலைகள் இடம்பெற்று வருவதாகவும் சில வேலைத்திட்டங்கள் பூர்த்தியடைந்துள்ளதாகவும், பச்சிலைப்பள்ளி பிரதேச சபை தவிசாளர் சுப்பிரமணியம் சுரேன் தெரிவித்துள்ளார்.

மாகாண சபையின் குறித்தொதுக்கப்பட்ட நிதி (PSDG) மற்றும் கூட்டிணைந்த சமூக பொறுப்பு நிதி (CSR) மற்றும் மாகாண சபை உறுப்பினர்களின் பன்முகப்படுத்தப்பட்ட நிதி சபையின் நிதி என்பவற்றின் கீழ் 25 மில்லியன் ரூபாய் பெறுமதியான அபிவிருத்தி வேலைத்திட்டங்கள் இடம்பெற்று வருவதாகவும் குறிப்பிட்ட அதேவேளை எதிர்வரும் நாட்களில் மத்திய அமைச்சின் நிதிகளூடாகவும் பல மில்லியன் ரூபாய்கள் பெறுமதியான வேலைத்திட்டங்கள் இடம்பெறவுள்ளதாகவும் குறிப்பிட்டார்.

இயகச்சி - கோவில்வயல் பகுதிக்கு, மக்களின் அன்றாட பிரச்சினைகள் தொடர்பாக ஆய்வுசெய்ய சென்றபோதே, அவர் மேற்கண்டவாறு தெரிவித்தார்.