இந்திய மீனவர்களின் விளக்கமறியல் நீடிப்பு

-எஸ்.றொசேரியன் லெம்பேட் 

இலங்கை கடற்பரப்பினுள் அத்துமீறி நுழைந்து, மீன்பிடியில் ஈடுபட்ட குற்றச்சாட்டில் கைது செய்யப்பட்டு விளக்கமறியலில் வைக்கப்பட்டிருந்த இந்திய மீனவர்கள் 44 பேரையும் எதிர்வரும் 12 ஆம் திகதிவரை விளக்கமறியலில் வைக்க மன்னார் நீதவான் ஏ.ஜீ.அலெக்ஸ்ராஜா, திங்கட்கிழமை உத்தரவிட்டார்.

குறித்த மீனவர்கள், மன்னார் நீதிமன்றத்தில் ஆஜர்படுத்தப்பட்ட போது விசாரனைகளை மேற்கொண்ட நீதவான் விளக்கமறியல் நீடித்து உத்தரவிட்டார்.

அத்துடன், 06 சிறுவர் தொழிலாளர்களையும் எதிர்வரும் 12ஆம் திகதி வரை சிறுவர் பராமறிப்பு நிலையத்தில் அனுமதிக்குமாறும் நீதவான் உத்தரவிட்டார்.