உடைக்கப்பட்ட மதில் மீள் நிர்மாணம்

இனந்தெரியாத நபர்களால் உடைக்கப்பட்ட கிளிநொச்சி கனகபுரம் பாடசாலையின் சுற்றுமதில் மீண்டும் விமானப்படையினரால், அமைக்கப்படுகின்றது.

கிளிநொச்சி கனகபுரம் பாடசாலையின் மைதான காணியில் அமைக்கப்பட்ட சுற்று மதில் திங்கட்கிழமை (12) இரவு விசமிகளால் உடைக்கப்பட்டிருந்தது.

இந்நிலையில், அது மீண்டும் விமானப்படையினரால் அமைக்கப்படுகின்றது.

பாடசாலை சமூகத்தினர் ஜனாதிபதியிடம் விடுத்த கோரிக்கைக்கு அமைய, 1600 அடி நீளமான மதில் ஜனாதிபதி செயலகத்தின் விசேட நிதி ஒதுக்கீட்டின் கீழ், 40 இலட்சம் ரூபாய் செலவில் விமானப்படையினரால் அமைக்கப்பட்டமை குறிப்பிடத்தக்கது.