‘உயிர் நீத்த ஆசிரியர்களை நினைவு கூர வேண்டும்’

எஸ்.றொசேரியன் லெம்பேட்

கல்வி சமூகம் ஏற்பாடு செய்கின்ற நிகழ்வுகளில், போராட்டக் காலத்திலே, தனது கடமையின் நிமித்தம் சென்று உயிர் நீத்த ஆசிரியர்களுக்கு முதலில் அஞ்சலி செலுத்தியப் பின்னரே, இவ்வாறான நிகழ்வுகளை ஆரம்பிப்பது சாலச் சிறந்தது என, தமிழ்த் தேசியக் கூட்டமைப்பின் வன்னி மாவட்ட நாடாளுமன்ற உறுப்பினர் செல்வம் அடைக்கலநாதன் தெரிவித்தார். 

மடு கல்வி வலயத்துக்குட்பட்ட பாடசாலைகளின் சாதனையாளர்களைக் கௌரவிக்கும் நிகழ்வு, கருங்கண்டல் றோமன் கத்தோலிக்க தமிழ்க் கலவன் மகா வித்தியாலயத்தில் நேற்று  (14) நடைபெற்றது. இதில் கலந்துகொண்டு உரையாற்றுகையிலேயே, அவர் இவ்வாறு தெரிவித்தார். 

இங்கு தொடர்ந்து உரையாற்றிய அவர், 

உயிர்களை இழந்தோம், உடமைகளை இழந்தோம், எல்லாவற்றையும் இழந்தோமெனத் தெரிவித்த அவர், ஆனால் கல்வி ஒன்று தான் மிஞ்சியுள்ளதெனவும் குறிப்பிட்டார். 

எமது கஷ்டம் பிள்ளைகளைத் தொடரக்கூடாது என்ற நிலையில், பெற்றோர் செயற்படுகின்றனர். ஆகவே அவர்களை கடைசி நேரம் விரையில் பார்க்க வேண்டிய கடமை எங்களுக்கு இருக்கின்றதென, அவர் மேலும் தெரிவித்தார்.