குமரபுரம் பாலம் அமைக்கப்படுகிறது

-சுப்பிரமணிஜயம் பாஸ்கரன்

கிளிநொச்சி பரந்தன் பிரதேசத்துக்குட்பட்ட  குமரபுரம் கால் ஏக்கர் திட்டத்துக்குச் செல்லும் பிரதான வீதியில் சேதமடைந்த நிலையில் காணப்பட்ட பாலத்துக்குப் பதிலாக புதிய பாலம் வேகமாக அமைக்கப்பட்டு வருகின்றது.

கிளிநொச்சி பரந்தன் பிரதேசத்துக்குட்பட்ட குமரபுரம் கால் ஏக்கர் திட்டத்துக்கு செல்லும் பிரதான வீதியில் காணப்பட்ட குறித்த பாலம் சேதமடைந்து காணப்பட்டதுடன் கடந்த மே மாதம் பெய்த மழையினால் பாலம் முற்றாக சேதமடைந்து போக்குவரத்து துண்டிக்கப்பட்டது.

இந்நிலையில், பொதுமக்களால் குறித்த பாலம் தற்காலிகமாக புனரமைக்கப்பட்டு மக்கள் போக்குவரத்துக்குப் பயன்படுத்தப்பட்டு வந்தபோதும் ஆபத்தான நிலையில் காணப்பட்டது.

தற்போது மக்களின் வேண்டுகோளுக்கு அமைவாக இபாட் திட்டத்தின் கீழ் குறித்த பாலத்துக்கு பதிலாக புதிய பாலம் வேகமாக அமைக்கப்பட்டு வருகின்றது.