கூலர் வாகனம் பிரண்டு விபத்து: இருவருக்கு காயம்

எஸ்.றொசேரியன் லெம்பேட்

மன்னார் மதவாச்சி பிரதான வீதியிலுள்ள பன்ன வெட்டுவான் பகுதியில் நேற்று சனிக்கிழமை (06) இடம் பெற்ற விபத்தில் இருவர் காயமடைந்த நிலையில் முருங்கன் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

மட்டக்களப்பில் இருந்து மன்னார் நகருக்கு மீன் கொள்வனவு செய்வதற்காகச் சென்ற சிறிய ரக கூலர் வாகனமே இவ்வாறு விபத்துக்குள்ளாகியுள்ளது.

வாகனத்தின் சாரதிக்கு ஏற்பட்ட நித்திரை காரணமாகவே இந்த விபத்து இடம்பெற்றுள்ளதாகவும் இதன் பின்னர், வாகனம் கட்டுப்பாட்டை மீறி வீதியை விட்டு விலகி விபத்துக்குள்ளானதாகவும் பொலிஸார் தெரிவித்தனர்.

இது தொடர்பான மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.