கிளிநொச்சி அக்கராயனில் இரு வீதிகளின் புனரமைப்பு

-நடராசா கிருஷ்ணகுமார்

கிளிநொச்சி அக்கராயனில் இரு வீதிகளின் புனரமைப்புப் பணிகள் வேகமாக இடம்பெற்று வருகின்றன.

வீதி அபிவிருத்தித் திணைக்களத்தினால் 427 மில்லியன் ரூபாய் செலவில் இப்பணிகள் முன்னெடுக்கப்பட்டுள்ளன.

கோணாவில் பாடசாலையிலிருந்து யூனியன்குளம் வழியாக அக்கராயன் பிள்ளையார் கோவில் வரையான 6 கிலோமீற்றர் வீதியும் அக்கராயன் வைத்தியசாலைக்கு அருகிலிருந்து அணைக்கட்டு வீதி வழியாக ஸ்கந்தபுரம் கரும்புத்தோட்டம் வரையான 7 கிலோமீற்றர் வீதியும் தற்போது புனரமைக்கப்பட்டு வருகின்றன.

கடந்த இரு மாதங்களாக இப்புனரமைப்புப் பணிகள் வேகமாக இடம்பெற்று வருகின்றமை குறிப்பிடத்தக்கது.

கிளிநொச்சி மேற்கின் முக்கிய உப நகரமான அக்கராயனில் இரு வீதிகள் புனரமைக்கப்படுகின்றமை மீளக்குடியமர்ந்துள்ள இப்பிரதேச மக்களுக்கு பெரும் நன்மையளிப்பதாக அமையவுள்ளது.