கிளிநொச்சியிலும் போராட்டம்

-எஸ்.என்.நிபோஜன், நடராசா கிருஷ்ணகுமார்

கிளிநொச்சி சுகாதாரத் தொண்டர்களால் முன்னெடுக்கப்பட்ட கவனயீர்ப்புப் போராட்டமொன்று, கிளிநொச்சி சுகாதார வைத்திய அதிகாரி பணிமனைக்கு முன்பாக, நேற்றுப் புதன்கிழமை இடம்பெற்றது.

இப்போராட்டத்தில் ஈடுபட்டவர்கள், இன்று வியாழக்கிழமை, வடமாகாண ஆளுநரை சந்திக்கவுள்ளதாகவும் அவர் தங்களுக்கு சுமூகமான பதிலை வழங்காவிட்டால், தீர்வு கிடைக்கும் வரை போராட்டம் தொடரும் என்றும் தெரிவித்தனர்.

அத்துடன், 1992 மற்றும் 1997களில் இருந்து, பலதரப்பட்ட கஷ்டங்களின் மத்தியில் தொண்டர்களாகத் தாங்கள் பணிபுரிவதாகவும் தமக்கான நியமனங்களை சம்பந்தப்பட்டவர்கள் பெற்றுத்த​ரவேண்டும் எனவும், அவர்கள் கோரினர்.