கிளிநொச்சியில் 60 மீன் வியாபாரிகளுக்கு பிசிஆர் பரிசோதனை

-மு.தமிழ்ச்செல்வன்

கிளிநொச்சி பொதுச் சந்தையில் மீன் வியாபார பகுதியில் உள்ள 60 வியாபாரிகளிடம், பிசிஆர் பரிசோதனைகளுக்கான  மாதிரிகள் இன்று (27) பெறப்பட்டுள்ளன.

கிளிநொச்சி - கரைச்சி பிரதேச சுகாதார  வைத்திய அதிகாரி  பணிமனையினரால் மேற்படி மாதிரிகள் பெறப்பட்டுள்ளன.

பேலியகொட மீன் சந்தையில் ஏற்பட்ட கொரோனா தொற்று பரவல் காரணமாக, யாழ்ப்பாணத்தில் இருவருக்கு தொற்று ஏற்பட்டிருந்தது. எனவே அதனை கருத்திற்கொண்டு, முன்னாய்த்த நடவடிக்கையாக கிளிநொச்சி மீன் சந்தையிலும் 60 பேருக்கு பிசிஆர் பரிசோதனைக்கான மாதிரிகள் பெறப்பட்டுள்ளன.