கிளிநொச்சியில் விபத்து: சிறுவனுட்பட மூவர் படுகாயம்

கிளிநொச்சி ஏ-9 வீதியிலுள்ளஅன்னை இல்லம் சந்திப் பகுதியில், இன்று (04) காலை இடம்பெற்ற விபத்தில், பாலர் பாடசாலைக்குச் சென்ற சிறுவன் உட்பட, மூவர் படுகாயமடைந்து, கிளிநொச்சி ஆதார வைத்தியசாலையில் அனுமதிக்கப்பட்டுள்ளனர்.

கிளிநொச்சி 155ஆம் கட்டை பகுதியிலிருந்து, கிளிநொச்சி சந்திப் பகுதி நோக்கி ஒரே திசையில் பயணித்த, இரண்டு மோட்டார் சைக்கிள்கள் மோதியே குறித்த விபத்து இடம்பெற்றது.

முன்சென்றுகொண்டிருந்த மோட்டார் சைக்கிள், பாலர் பாடசாலைக்கு திரும்ப முற்பட்ட போது, பின்னால் வந்த மோட்டார் சைக்கிள் மோதியே குறித்த விபத்து இடம்பெற்றது.