குடிநீர் வழங்குவது தொடர்பில் கலந்துரையாடல்

எஸ்.என்.நிபோஜன் 

கிளிநொச்சி, பூநகரி பிரதேச செயலாளர் பிரிவில் குடிநீரற்ற பிரதேசங்களாகக் காணப்படும் குமிழமுனை, கரியாலை நாகபடுவான், இரணைமாதாநகர், செல்லக்குறிஞ்சி ஆகிய பிரதேசங்களுக்கான குடிநீரை எவ்வாறு விநியோகிப்பது என்பது தொடர்பான கலந்துரையாடலொன்று, நாடாளுமன்ற உறுப்பினர் சிவஞானம் சிறீதரன் தலைமையில், முழங்காவில் வெங்கடேஸ்வர ஆலய மண்டபத்தில் இடம்பெற்றது.

இதன்போது, நீர்வழங்கல் வடிகாலமைப்பு சபையினரால், குடிநீர் விநியோகம் தொடர்பில் விளக்கமளிக்கப்பட்டது. குறித்த கலந்துரையாடலில், வடக்கு மாகாணசபை உறுப்பினர் சு.பசுபதிப்பிள்ளை, பூநகரி பிரதேச செயலாளர், நீர்வழங்கல் வடிகாலமைப்பு சபையினர், கிராம சேவையாளர்கள், முழங்காவில் கிராம பொது அமைப்புக்களின் பிரதிநிதிகள், ஏனைய கிராமங்களினது பொது அமைப்புக்களின் பிரதிநிதிகள், பொதுமக்கள் எனப் பலரும் கலந்துகொண்டனர்.