குடும்பஸ்தர் கொலை: வட்டக்கச்சியில் கதவடைப்பு போராட்டம்

சுப்பிரமணியம் பாஸ்கரன்

கிளிநொச்சி - வட்டக்கச்சி பகுதியில், இளம் குடும்பஸ்தர் ஒருவர் கொலை செய்யப்பட்டமையை கண்டித்தும் அதற்கு நீதி கோரியும், அவரது  குடும்ப உறுப்பினர்கள் மீது தரும்புரம் போலிஸார் மேற்கொண்ட தாக்குதலைக் கண்டித்தும், வட்டக்கச்சி பிரதேசத்தில், இன்று (17) முழு கதவடைப்பு போராட்டம் முன்னெடுக்கப்பட்டது.

இதன்போது, பொதுச் சந்தை மற்றும் வர்த்தக நிலையங்கள் முழுமையாக மூடப்பட்டு, மேற்படி சம்பவத்துக்கு எதிர்ப்பு தெரிவிக்கப்பட்டது. 

அத்துடன், இச்சம்பவத்தைக் கண்டித்து, வட்டக்கச்சியில், இன்று காலை 9 மணிக்கு, எதிர்ப்புப் பேரணியும் ஆர்ப்பாட்டமும் முன்னெடுக்கப்பட்டன.

முன்னதாக வட்டக்கச்சி  பிரதேசத்திலிருந்து உழவு இயந்திரங்களில் கிளிநொச்சி காக்கா கடைச் சந்திக்கு பேரணியாக தந்த மக்கள், அங்கிருந்து ஏ9 வீதி ஊடாக மாவட்டச் செயலகத்துக்குச் சென்றனர்.

இதன்போது, மாவட்டச் செயலாளரிடம் மனுவொன்றும் கையளிக்கப்பட்டது.