சட்டவிரோத கசிப்புடன் ஒருவர் கைது

-செ.கீதாஞ்சன்

முல்லைத்தீவு - புதுக்குடியிருப்பு பிரதேசத்துக்குட்பட்ட தேவிபுரம் ஆற்றுப் பகுதியில், நீண்ட நாள்களாக சட்டவிரோத கசிப்பு உற்பத்தியில் ஈடுபட்டு வந்த நபர் ஒருவரை, புதுக்குடியிருப்பு பொலிஸார் மடக்கி பிடித்துள்ளார்கள்.

இச்சம்பவம், நேற்று முன்தினம் (10) மாலை இடம்பெற்றுள்ளது.

ஆற்றுப்பகுதியில் சட்டவிரோதமான முறையில் கசிப்பு உற்பத்தி இடம்பெற்று வந்த நிலையில், பொலிஸார் சென்று உற்பத்தி செய்துகொண்டிருந்த குடும்பஸ்தரை கைதுசெய்துள்ளதுடன், சட்டவிரோத கசிப்பு உற்பத்திக்கு பயன்படுத்தப்பட்டு வந்த பொருள்கள் அனைத்தையும் எடுத்து சென்றுள்ளதுடன், சட்டவிரோதமாக காய்ச்சுவதற்கு தயாரான மதுபான கலவையை ஆற்றில் ஊற்றி அழித்துள்ளார்கள்.