சாரதிப் பயிற்சிப் பாடசாலைகளுக்கு அபராதம்

முல்லைத்தீவு பகுதியில், சூழலுக்கு பாதிப்பு ஏற்படும் வகையில், குப்பைகளைக் கொட்டிய ஐந்து சாரதிப் பயிற்சிப் பாடசாலைகளுக்கு, தலா 25 ஆயிரம் ரூபாய் அபராதம் விதித்து, முல்லைத்தீவு மாவட்ட நீதவான் நீதிமன்ற நீதவான் சம்சுதீன், இன்று (12) உத்தரவிட்டார்.

முல்லைத்தீவு பகுதியை அண்மித்த பகுதியில் உள்ள ஆற்றுப் பகுதியின் சூழலை மாசுபடுத்தும் வகையில், அப்பகுதியில் சாரதி பயிற்சியை  வழங்கி வரும் ஐந்து சாரதிப் பயிற்சி நிலையங்களால் குப்பைகள் போடப்பட்டன.

இது தொடர்பில் பொதுச்சுகாதார பரிசோதகரால், குறித்த ஐந்து சாரதிப் பயிற்சிப் பாடசாலைகளுக்கு எதிராக வழக்குப்பதிவு செய்யப்பட்டமை குறிப்பிடத்தக்கது.