சிலாவத்துறை வைத்தியசாலை விரைவில் தரம் உயரும்

மன்னார் -சிலாவத்துறை வைத்தியசாலையை ஆதார வைத்தியசாலையாகத் தரம் உயர்த்துவதற்கு, தேவையான திட்ட வரைபுகளையும் ஆவணங்களையும் ஒரு மாதகாலத்துக்குள் சமர்ப்பிக்குமாறு, சுகாதார அமைச்சர் டொக்டர் ராஜித சேனாரத்ன, அதிகாரிகளைப் பணித்துள்ளார். 

மன்னார் - சிலாவத்துறை ஆதார வைத்தியசாலைக்கு இன்று (07) சுகாதார அமைச்சர் டொக்டர் ராஜித சேனாரத்ன விஜயம் செய்த போதே, இவ்வாறு பணிப்புரை விடுத்துள்ளார். 

இதன்போது, சிலாவத்துறை வைத்தியசாலையில் நிலவும் ஆளணி, பௌதீகவள பற்றாக்குறை தொடர்பில் அங்கு இடம்பெற்ற கலந்துரையாடலில் அமைச்சர் ரிஷாட் பதியுதீன் விரிவாக எடுத்துரைத்ததன் பின்னர், அமைச்சர் ராஜித சேனாரத்ன உடனடி தீர்வு வழங்குமாறு, சுகாதார அதிகாரிகளுக்குப் பணிப்புரை விடுத்தார். 

அத்துடன், மன்னார் -சிலாவத்துறை வைத்தியசாலையின் புதிய கட்டடத்தையும் அமைச்சர் திறந்து வைத்தார்.