சேவைகளை வழங்குவதற்கு தடை

-சுப்பிரமணியம் பாஸ்கரன்

போதிய வசதிகள் இன்மை மற்றும் தனியார் போக்குவரத்துச் சேவைகளின் அத்துமீறல்கள் போன்ற காரணங்களால், மக்களுக்கு நிறைவான சேவைகளை வழங்குவதற்கு தடையாகவுள்ளதாக, இலங்கைப் போக்குவரத்துச் சபையின் முல்லைத்தீவு மாவட்டச் சாலை நிர்வாகம் தெரிவித்துள்ளது.

இது குறித்து, மேலும் கருத்துரைத்த சாலை நிர்வாகம், முல்லைத்தீவு சாலையில், தற்போது சேவைக்குட்படுத்தப்படுகின்ற பஸ்கள் நீண்ட காலம் பயன்படுத்தப்பட்ட பழைய பஸ்களெனவும் அத்துடன், பொறியியலாளர்கள் உள்ளிட்ட ஆளணிகள் நிரப்பப்படாமல் உள்ளதாகவும் தெரிவித்தது.

அத்துடன், முல்லைத்தீவு சாலைக்கு, 32  வரையான பஸ்கள் தேவையாக உள்ள போதும், 24 பஸ்களே உள்ளதாகத் தெரிவிதத் நிர்வாகம், இதில் 20 பஸ்களே சேவைகளுக்கு உட்படுத்தப்படுவதாகவும் கூறியது.