திறப்பு விழா

-எஸ்.என்.நிபோஜன்

யுத்தத்தால் பாதிக்கப்பட்டு உறவுகளை இழந்த பிள்ளைகளின் கல்வியை மேம்படுத்தும் நோக்கில் அமைக்கப்பட்ட எஸ்.கே.அறிவுச்சோலை கிளிநொச்சி பாரதிபுரத்தில் இன்று திங்கட்கிழமை திறந்து வைக்கப்பட்டுள்ளது.

1991ஆம் ஆண்டு முதல் யாழ்ப்பாணம் மற்றும் கிளிநொச்சி, முல்லைத்தீவு மாவட்டங்களில் யுத்தத்தினால் பாதிக்கப்பட்ட சிறுவர்களின் பாதுகாப்புக்காக இயங்கிய அறிவுச்சோலை இல்லம் யுத்தம் காரணமாக முழுமையாக அழிவடைந்தது.

மேற்படி இல்லத்தை மீளவும் இயக்குவதற்கு நீண்ட காலமாக பலரும் மேற்கொண்ட முயற்சியின் பயனாக இன்றைய தினம் முதல் மீண்டும் கிளிநொச்சியில் திறந்து வைக்கப்பட்டுள்ளது.

இந்நிகழ்வில்,  நாடாளுமன்ற  உறுப்பினர்  சிறிதரன், வடமாகாண  சுகாதார அமைச்சர்  சத்தியலிங்கம்  ஆகியோர்  பிரதம விருந்தினராகவும்  வடமாகாண சிறுவர்  நன்னடத்தை  ஆளுநர் விசாகரூபன்  சிறப்பு   விருந்தினராகவும் கலந்துகொண்டனர்.