பிசிஆர் பரிசோதனையை அதிகரிக்க தீர்மானம்

-க. அகரன்

வவுனியாவில், இனிவரும் காலங்களில் பிசிஆர் பரிசோதனையை அதிகரிப்பதென, தீர்மானம் எடுக்கப்பட்டுள்ளது.

கொரோனா வைரஸ் தாக்கம் மற்றும் அது தொடர்பில் முன்னெடுக்கபபட்டுள்ள நடவடிக்கைகள் தொடர்பான விசேட கூட்டமொன்று, வவுனியா மாவட்டச் செயலகத்தில் நடைபெற்றது. இதன்போதே, மேற்கண்ட தீர்மானம் எடுக்கப்பட்டுள்ளது.

அத்துடன், மார்ச் 8ஆம் திகதி முதல் டிசெம்பர் 27ஆம் திகதி வரையில், வவுனியாவில் 10,844 பேருக்கு பிசிஆர் பரிசோதனைகள் முன்னெடுக்கப்பட்டுள்ளதாகவும் அதில் 32 பேருக்கு தொற்று உறுதிப்படுத்தப்பட்டுள்ளதாகவும், கூட்டத்தில் தெரிவிக்கப்பட்டமை குறிப்பிடத்தக்கது.