மான் இறைச்சி கொண்டு சென்ற இருவருக்கு தண்டம்

-சுப்பிரமணியம் பாஸ்கரன்
 
கிளிநொச்சி, பூநகரி பகுதியில் 8 கிலோகிராம் மான் இறைச்சியை மோட்டார் சைக்கிளில் கொண்டு சென்ற இருவருக்கு, 15,000 ரூபாய் தண்டப்பணம் விதித்து கிளிநொச்சி நீதவான் நீதிமன்ற பதில் நீதவான் எஸ்.சிவபாலசுப்பிரமணியம், நேற்று திங்கட்கிழமை (02) உத்தரவிட்டார்.
 
கிளிநொச்சி, பூநகரி பகுதியில் கடந்த சனிக்கிழமை (31) 8 கிலோகிராம் மான் இறைச்சியை மோட்டார் சைக்கிளில் எடுத்துச்சென்ற இருவரை, பொலிஸார் கைது செய்து கிளிநொச்சி நீதவான் நீதிமன்ற பதில் நீதவான் முன்னிலையில் ஆஜர்ப்படுத்திய போது நீதவான் தண்டம் விதித்து உத்தரவிட்டார்.