மூன்று நாட்களில் 12 வாகனங்கள் கைப்பற்றப்பட்டன

சுப்பிரமணியம் பாஸ்கரன்

கிளிநொச்சி, கண்டாவளை, தட்டுவன்கொட்டி ஆகிய பகுதிகளில் சட்டவிரோத மணல் அகழ்வில் ஈடுபட்ட 12 வாகனங்கள் புதன்கிழமை (16) முதல் வெள்ளிக்கிழமை (18)  வரையான காலப்பகுதியில் பொலிஸாரால் கைப்பற்றப்பட்டதாக கிளிநொச்சி பொலிஸார் தெரிவித்தனர்.

கிளிநொச்சி கண்டாவளை, தட்டுவன் கொட்டி,  ஆனையிறவு உள்ளிட்ட பகுதிகளில் சட்டவிரோதமான முறையில் மணல் அகழ்வில் ஈடுபட்ட எட்டு டிப்பர் வாகனங்கள் மற்றும் நான்கு உழவு இயந்திரங்கள் என்பன கடந்த புதன்கிழமை (16) முதல் வெள்ளிக்கிழமை (18) வரையான காலப்பகுதியில் பொலிஸாரால் பிடிக்கப்பட்டு குறித்த வாகனங்களுக்கும் அதன் சாரதிகளுக்கும் எதிராக வழக்குப்பதிவு செய்துள்ளதாகவும் குறித்த வாகனங்களை திங்கட்கிழமை (21) நீதிமன்றுக்கு கொண்டுசெல்லவுள்ளதாகவும் பொலிஸார் தெரிவித்துள்ளனர்.