முல்லைத்தீவிலும் தபாலட்டை போராட்டம்

-நடராசா கிருஸ்ணகுமார்

இந்திய றோலர்களை கட்டுப்படுத்த வேண்டுமென்று யாழ்ப்பாணத்தில் தொடங்கப்பட்ட தபாலட்டை அனுப்பும் போராட்டம் முல்லைத்தீவிலும் வியாழக்கிழமை (22) ஆரம்பிக்கப்பட்டது.

முல்லைத்தீவு மாவட்ட கடற்றொழிலாளர்களின் சங்கங்களின் சமாசத்தில், சமாசத் தலைவர் அந்தோனிப்பிள்ளை மரியராசா தலைமையில் நடைபெற்ற இந்நிகழ்வில் சமாசத்தைச் சேர்ந்த 26 சங்கங்களின் பிரதிநிதிகள் கலந்துகொண்டனர்.

'இந்திய றோலர்களின் நெருக்கடி தொடர்பாக ஜனாதிபதி, பிரதமர், எதிர்க் கட்சித் தலைவர், மீன்பிடி அமைச்சர் ஆகியோருக்கு தபாலட்டை மூலமாக தெரியப்படுத்தியுள்ளோம். இந்திய றோலர்களின் அத்துமீறல்களைக் கண்டித்து இனிவரும் நாட்களில் மாபெரும் மக்கள் போராட்டத்தையும் நடத்தவுள்ளோம்' என இதன்போது அவர் கூறினார்.