மகளை துஷ்ப்பிரயோகம் செய்ய முயன்ற தந்தைக்கு விளக்கமறியல்

சுப்பிரமணியம் பாஸ்கரன்

16 வயதான தனது மகளை பாலியல் துஷ்ப்பிரயோகம் செய்யமுற்பட்ட தந்தையை எதிர்வரும் 15ஆம் திகதி வரை விளக்கமறியலில் வைக்குமாறு கிளிநொச்சி நீதவான் நீதிமன்ற  நீதவான் எம்.ஐ.வகாப்தீன், செவ்வாய்க்கிழமை (01) உத்தரவிட்டுள்ளார்.

கிளிநொச்சி சாந்தபுரம் பகுதியில் 16 வயதுச் சிறுமி ஒருவரை அவரது தந்தை பாலியல் துஷ்ப்பிரயோகம் செய்ய முற்பட்டதாக  கிளிநொச்சிப் பொலிஸாருக்கு கிடைத்த முறைப்பாட்டையடுத்து விசாரணைகளை மேற்கொண்ட பொலிஸார் இச்சம்பவத்துடன் தொடர்புபட்டதாக கருதப்படும் சந்தேக நபரான சிறுமியின் தந்தையை கைது செய்தனர்.

குறித்த சந்தேக நபரை கிளிநொச்சி நீதவான் முன்னிலையில் ஆஜர்படுத்திய போதே எதிர்வரும் 15ஆம்திகதி வரையும் விளக்கமறியலில் வைக்குமாறு நீதவான் உத்தரவிட்டுள்ளார்.