மன்னாரில் கையெழுத்து வேட்டை

-எஸ்.றொசேரியன் லெம்பேட்

“மன்னாரின் எழுச்சி, அதுவே எங்களின் முயற்சி” எனும் கருப்பொருளில், மன்னார் மாவட்ட தமிழமுது நண்பர்கள் வட்டம் ஏற்பாடு செய்த கையெழுத்து வேட்டை, மன்னார் பஸார் பகுதியில், மன்னார் மாவட்ட தமிழமுது நண்பர்கள் வட்டத்தின் இயக்குநர் வை.கஜேந்திரன் தலைமையில், இன்று (02) காலை இடம்பெற்றது.

மன்னார் மாவட்டத்துக்கு வரவேற்புக் கோபுரம் அமைக்கப்பட வேண்டும், மணிக்கூட்டுக் கோபுரம் அமைக்கப்பட வேண்டும், மின் சமிக்ஞை விளக்குகள் பொருத்தப்பட வேண்டும், மன்னார் பொது நூலகத்தைச் சிறப்பாக உருவாக்க வேண்டும், கிராமப்புறங்களில் உள்ள நூலகங்களைத் தரமுயர்த்த வேண்டும், மாவட்டத்தில் பல்கலைக்கழகம் ஒன்றை உருவாக்க வேண்டும் உள்ளிட்ட பல்வேறு கோரிக்கைகளை முன்வைத்து, குறித்த கையெழுத்து வேட்டை முன்னெடுக்கப்பட்டது.

குறித்த கையெழுத்து வேட்டையை, சர்வ மதத்தலைவர்கள் இணைந்து, வைபவ ரீதியாக ஆரம்பித்து வைத்தனர்.