முல்லைத்தீவில் கடும் காற்றால் 8 வீடுகள் சேதம்

-செ.கீதாஞ்சன்

முல்லைத்தீவு மாவட்டத்தில் கடந்த இரண்டு தினங்களாக தொடர்ச்சியாக வீசிய கடும் காற்றால், 8 வீடுகள் பகுதியளவில் சேதமடைந்துள்ளதுடன், விளையாட்டு கழகமொன்றின் கட்டிடமும் சேதமடைந்துள்ளது.

இன்று ​(22) காலை 10 மணிவரை மாவட்ட அனர்த்த முகாமைத்துவ நிலையத்தினருக்குக் கிடைத்த புள்ளிவிவரத்தின் படியே, மாவட்டத்தில் 8 வீடுகளும் உடையார்கட்டு பகுதியில் உள்ள விளையாட்டு கழகக் கட்டிடமும் சேதமடைந்துள்ளன.

இதற்கமைய, புதுக்குடியிருப்பு பிரதேசத்தில், இரண்டு வீடுகளும் ஒட்டுசுட்டான் பிரதேசத்தில், 3 தற்காலிக வீடுகளும் துணுக்காய் பிரதேசத்திலும் ஒரு வீடும் பகுதியளவில் சேதமடைந்துள்ளமை குறிப்பிடத்தக்கது.