விசுவமடுப் பொதுச்சந்தை விரைவில் திறக்கப்படும்

-சுப்பிரமணியம் பாஸ்கரன்

முல்லைத்தீவு, விசுவமடு பகுதியில் புதுக்குடியிருப்பு பிரதேச சபையின் 9 மில்லியன் ரூபாய் செலவில் அமைக்கப்பட்டு வரும் பொதுசந்தையானது விரைவில் வர்த்தகர்களிடம் கையளிக்கப்படும் என பிரதேச சபை தகவல்கள் தெரிவிக்கின்றன.

விசுவமடுப் பொதுச் சந்தையானது கடந்த 5 வருடங்களாக நிரந்தரக் கட்டடமின்றி இயங்கி வந்தது. இந்தச் சந்தைக்கு நிரந்தரக் கட்டடம் அமைப்பதற்காக சபையால் நிதி ஒதுக்கீடு செய்யப்பட்டு, கட்டடப் பணிகள் நடைபெற்று வருகின்றன.

கட்டடப் பணிகள் இவ்வருட இறுதிக்குள் முடிவடையும் என எதிர்பார்ப்பதாகவும் முடிவடைந்தால் சந்தை வர்த்தகர்களிடம் கையளிக்கப்படும் எனவும் பிரதேச சபை தகவல்கள் மேலும் தெரிவிக்கின்றன.