விதை நெல்லுக்கு நெருக்கடி

-நடராசா கிருஸ்ணகுமார்

கிளிநொச்சி மாவட்டத்தில் உள்ள கமநல சேவை நிலையங்கள் ஊடாக மானிய விலையிலாவது விதை நெல் கிடைக்கும் என்ற நம்பிக்கையில் இருந்த விவசாயிகள், தற்போது ஏமாற்றம் அடைந்து உள்ளனர்.

கடந்த இரு ஆண்டுகளாக கிளிநொச்சி மாவட்டத்தில் வரட்சியான சூழல் காரணமாக நெற்செய்கை வெற்றியளிக்கவில்லை. 

இந்நிலையில், இவ்வாண்டு காலபோகத்திற்குரிய விதை நெல்லுக்கான பதிவுகள் கமநல சேவை நிலையங்களால் மேற்கொள்ளப்பட்ட நிலையில், தற்போது காலபோக நெற்செய்கை தொடங்கி உள்ள நிலையில், கமநல சேவை நிலையங்கள் ஊடாக விதை நெல் கிடைக்கும் என்று நம்பியிருந்த விவசாயிகள் தற்போது ஏமாற்றம் அடைந்துள்ளனர்.

கிளிநொச்சி மாவட்டத்திலே விதை நெல்லுக்கான நெருக்கடி காணப்படுவதாக விவசாயிகள் தெரிவிக்கின்றனர்.